Un paso, e outro, e outro máis. Ascender a O Cebreiro, o gran pórtico de Galicia, é o gran premio. Miles e miles de seres humanos, coa alma acendida do bordón, subiron ao antigo enclave celta onde aínda latexa o milagre do Grial, rodeado de brétemas eternas. E só podería ser alí, no Cebreiro, onde coa chegada dun novo milenio se repetira o milagre, esta vez baixo a forma desas humildes balizas, as frechas amarelas, que sinalan o antigo Camiño de Occidente por toda Europa. O seu protagonista, Elías Valiña, pequeno, teimudo, visionario, un dos grandes galegos do século XX, agasallounos un novo Camiño para o futuro, facendo que o vello berro de alento volva soar en todas as encrucilladas: Ultreia!, Adiante!
