(SCHIARAZULLA MARAZULLA /A CAROLINA)
(Tradicional galega)
A primeira é unha peza renacentista composta polo músico italiano Giorgio Mainerio e incluída no “Il primo libro de balli” do ano 1578 onde se recollen cancións e danzas populares feitas polo propio músico.
A segunda é unha das cantigas máis populares da música vocal de Galicia.
A saia da Carolina,
ten un lagarto pintado;
cando a Carolina baila,
o lagarto dalle ó rabo.
Bailaches Carolina?
Bailei, si señor!
Dime con quen bailaches?
Bailei co meu amor
Bailaches, Carolina?
Bailei, si señor!
A Carolina é unha tola
que todo fai ó revés;
véstese pola cabeza
e éspese polos pés
Bailaches Carolina?
Bailei no cuartel!
Dime con quen bailaches?
Bailei co coronel
Bailaches, Carolina?
Bailei, si señor!
O señor cura non baila
porque tén unha coroa.
Baile , señor cura, baile,
que Dios todo llo perdoa.
Bailaches Carolina?
Bailei, si señor!
Dime con quen bailaches?
Bailei co meu Xosé
Bailaches, Carolina?
Bailei, si señor!
Bailaches Carolina?
Bailei, si señor!